‘සිව් දෙසටම ඩයලොග්’ වැඩසටහන යටතේ මඩොල්සිමට නව කුළුණක්

'සිව් දෙසටම ඩයලොග්' වැඩසටහන යටතේ බදුල්ල දිස්ත්‍රික්කයේ මඩොල්සිම ප්‍රදේශයේ ඉදිකළ නව සන්නිවේදන කුළුණ විවෘත කරන අවස්ථාවට එක්වූ ඩයලොග් සමාගමේ නියෝජිතයන්

‘සිව් දෙසටම ඩයලොග්’ වැඩසටහන යටතේ ශ්‍රී ලංකාවේ පුළුල්තම සන්නිවේදන ජාලය වන ඩයලොග් සමාගම ශ්‍රී ලංකාව පුරා පිහිටි අති දුෂ්කර ග්‍රාමීය ප්‍රදේශවල සම්බන්ධතාවය පුළුල් කිරීමේ අදිටනින් යුතුව මෑතකදී බදුල්ල දිස්ත්‍රික්කයේ මඩොල්සිම ප්‍රදේශයට නව සන්නිවේදන කුළුණක් ඉදිකිරීමට කටයුතු කරන ලදී.

මඩොල්සිම ප්‍රදේශයේ ඉදිකෙරුණු නව සන්නිවේදන කුළුණට අමතරව බදුල්ල දිස්ත්‍රික්කයට අයත් නිකපිටිය සහ කරඳගම ගම්මාන දෙකෙහි ද නව සන්නිවේදන කුළුණු ඉදිකෙරිණි. තවද පුත්තලම දිස්ත්‍රික්කයේ පහරිය, පනිරෙන්ඩාව, කුඹුක්වැව සහ මැදගම ගම්මානවලත් සන්නිවේදන කුළුණු ඉදිකිරීමට කටයුතු කෙරිණි. මෙවැනි වැඩසටහන් හරහා වැඩි දියුණු කළ සබඳතා පහසුකම් තුළින් දිවයිනේ සෑම ප්‍රදේශයකම ජීවත්වන ශ්‍රී ලාංකිකයන්ගේ ජීවිත සවිබලගන්වමින් උසස් තත්වයකට ගෙන ඒම වෙනුවෙන් ඩයලොග් සමාගම දක්වන කැපවීම මැනවින් පිළිබිඹු කරයි.

තවද මෙවැනි අභියෝගාත්මක කාලසීමාවන්වලදී සන්නිවේදන ආවරණය පුළුල් කරමින් පාරිභෝගිකයින්ට සහායවීමට අඛණ්ඩව ගන්නා උත්සාහයන් යටතේ ඩයලොග් සමාගම 2022 අවසන් වන විට ඩයලොග් ජාලය තුළ 4G මොබයිල් කුළුණු 4700 කට වැඩි සංඛ්‍යාවක් ඉදිකර ඇත.එය ශ්‍රී ලංකාවේ ඉදිකර තිබෙන වැඩිම සන්නිවේදන කුළුණු සංඛ්‍යාවද වේ.එමෙන්ම 95% කට වැඩි ජනගහණයකට 4G ආවරණ පහසුකම් සලසාදීමටද ඩයලොග් සමාගමට හැකිවී තිබේ. එමෙන්ම අති දුෂ්කර ගම් ප්‍රදේශවලට සන්නිවේදන පහසුකම් සැලසීමේ ක්‍රියාවලිය පුළුල් කිරීම සඳහා ඩයලොග් සමාගම Green Field කුළුණු උපයෝගී කරගත් අතර, ජනාකීර්ණ ප්‍රදේශවල අවශ්‍යතාවයන් වෙනුවෙන් Lamp Pole විසඳුම හරහා සේවාවන් ලබාදී ඇත.

ඩයලොග් ජාලයේ ආවරණය ඉහළ නැංවීම, ජාල අධීක්ෂණය කිරීමෙහි නිරත අන්තර්ජාතික සමාගම්වල ප්‍රශංසාවට ලක්ව තිබෙන අතර Open Signal සමාගම විසින් ‘හොඳම 4G ආවරණය’ / වේගවත්ම Upload සහ ‘Download අත්දැකීම් වෙනුවෙන් ඩයලොග් ආයතනය සම්මානයට පාත්‍ර කර තිබේ.