உழவர் தோழன் மொபைல் App

இலங்கையின் சனத்தொகையில் 80% ஆனவர்கள் கிராமப்புறங்களில் வாழ்ந்து வருகிறார்கள். அவர்களின் பிரதான வாழ்வாதாரம் விவசாயமே. பெரும்பாலான விவசாயிகளிடம் தற்போது கையடக்கத் தொலைபேசிகள் உள்ளது, அதை அவர்கள் பெரும்பாலும் அழைப்புகளை எடுக்கவே பயன்படுத்துகிறார்கள். தேவையான தகவல்களுக்கான அணுகல் பற்றாக்குறையாக இருப்பது இந்தத் துறையில் நீண்ட காலமாக நிலவிவரும் ஒரு முக்கிய பிரச்சினையாகும். ‘கொவி மிதுரு’ என அறியப்படும் உழவர் தோழன் சேவையானது 'பாதுகாப்பான பயிர் மற்றும் குடும்ப ஆரோக்கியம்' என்ற கருப்பொருளின் கீழ் விவசாயிகளுக்கான நடமாடும் ஆலோசனை சேவையாக தொழிலாற்றிவருகிறது, இச்சேவை இந்தத் துறையில் உள்ள தகவல் இடைவெளியை நிவர்த்தி செய்வதற்காக உருவாக்கப்பட்டதாகும். புதிய பயிர்ச்செய்கைக்கு செல்ல விரும்பும் விவசாயிகளுக்கு, அதிலும் குறிப்பாக காலநிலை நிலைமைகள் கடுமையாக மாறி வரும் இக்காலத்தில், தங்கள் சாகுபடி பற்றிய நிறைய புதிய தகவல்கள் தேவைப்படுகின்றன.

தற்போது, நாடு முழுவதும் 200,000 விவசாயிகள் இந்தச் சேவையைப் பயன்படுத்தி வருகின்றனர். உழவர் தோழன் செயலியின் அறிமுகம் இந்த சேவையின் அடுத்த விரிவாக்கமாக கட்டமாக அமையும். தற்போதைய IVR சேவையுடன் ஒப்பிடும்போது, இந்த செயலி மேலும் தனிப்பயனாக்கப்பட்ட முறையில் சிறந்த தகவல்களை வழங்க முடியும்.

முக்கிய அம்சங்கள்

ஒவ்வொரு விவசாயியின் தனிப்பட்ட விவசாய முறைகள் மற்றும் ஒவ்வொரு விவசாயி வசிக்கும் அந்தந்த வேளாண்-சுற்றுச்சூழல் பகுதிகள் ஆகியவற்றைப் பொறுத்து தனிப்பயனாக்கப்பட்ட முக்கிய தகவல்களுடன் அறிவிப்புகளை இந்த App வழங்குகிறது. மற்றொரு முக்கிய அம்சம், பீடை தாக்குதல்கள், நோய் தாக்கம் மற்றும் பிற ஆபத்துகள் முதலிய அடிக்கடி மாற்றத்துக்கு உள்ளாகும் விவசாய நிலைமைகள் தொடர்பான அவசர எச்சரிக்கைகளை வழங்குவதாகும். இதன் மூலம் முன்கூட்டியே எச்சரிக்கைகள் கிடைப்பதனால் அவற்றுக்கான தீர்வுகளை முன்னெடுக்க போதுமான நேரம் கிடைக்கிறது.